1. O‘tirishi va og‘irligi
Boshni yoki quloqni bosadigan naushnik, ovozi qanchalik yaxshi bo‘lmasin, bir soatdan keyin bezovta qila boshlaydi. Qarang:
- Og‘irlik: 300 g gacha yengil seziladi, 350 g dan og‘ir bo‘lsa, uzoq o‘yinda bo‘yin charchaydi.
- Quloq yostiqchalari: velur va mato quloqni kamroq qizdiradi, sun’iy charm shovqindan yaxshiroq ajratadi.
- Bosh qismi: yumshoq yoki osma (yoy ostidagi lenta) og‘irlikni taqsimlaydi.
2. Yopiq yoki ochiq
- Yopiq: chashkalar berk, xona shovqinini yaxshi to‘sadi, ovoz qo‘shnilarga eshitilmaydi. Eng ko‘p tanlanadigani.
- Ochiq: chashkalarda to‘r, ovoz kengroq va tabiiyroq, quloq kamroq terlaydi. Lekin siz ham atrofdagi hamma narsani eshitasiz, atrofdagilar ham sizni.
3. Ovoz: stereo yoki 7.1
Shuterlarda qadam tovushi yo‘nalishi, naushnik ovozi tekis bo‘lsa, oddiy stereoda ham yaxshi eshitiladi. Naushnik dasturidagi virtual 7.1 qo‘shimcha dinamik emas, ishlov berish: kimgadir yo‘nalishni aniqroq tushunishga yordam beradi, kimgadir ovozni xiralashtiradi. Naushnik 7.1 ni o‘chirishga imkon bersa, ikkala variantni ham sinab ko‘ring.
4. Mikrofon
- Olinadigan yoki buriladigan: olinadiganini musiqa tinglaganda olib qo‘yish mumkin; buriladigani yuqoriga ko‘tarilsa o‘chadi.
- Mikrofondagi shovqinni bostirish suhbatdoshlar uchun klaviatura taqillashi va ventilyator shovqinini olib tashlaydi.
- Strim va ovoz yozish uchun naushnik mikrofoni odatda kamlik qiladi, alohida USB mikrofon yaxshiroq.
5. Ulanish
| Turi | Afzalliklari | Kamchiliklari |
|---|---|---|
| Simli 3,5 mm | kompyuter, konsol, telefon bilan ishlaydi, zaryad kerak emas | sim bor, ovoz kompyuter ulagichiga bog‘liq |
| Simli USB | o‘z ovoz kartasi, ekvalayzerli dastur | faqat kompyuter va ba’zi konsollar |
| Simsiz 2,4 GGts | simsiz, kechikish simlidek | zaryadlash kerak, odatda qimmatroq |
| Bluetooth | telefon va noutbuk | o‘yinda kechikish seziladi |
Ko‘p simsiz o‘yin modellari 2,4 GGts va Bluetooth ni bir vaqtda qo‘llaydi: kompyuterda o‘ynaysiz va telefondagi qo‘ng‘iroqni o‘tkazib yubormaysiz.
Ko‘p beriladigan savollar
O‘yin naushnigi PlayStation yoki Xbox ga mos keladimi? 3,5 mm ulagichli simlilar deyarli hamma joyda ishlaydi. Simsiz va USB modellarni menejerdan so‘rang: konsollar bilan mosligini ishlab chiqaruvchi ko‘rsatadi.
Simsiz naushnik zaryadni qancha ushlaydi? Turli modellarda 20 soatdan yuz soatdan ortiqqacha. Aniq modelning raqamini menejerdan so‘rang.
Naushnikni nasiyaga olish mumkinmi? Ha, Uzum nasiya 6 yoki 12 oyga, oylik to‘lov tovar sahifasida ko‘rinadi.
Razer, ATK, Logitech, HyperX, MCHOSE va ASUS o‘yin naushniklari naushniklar katalogida. Toshkent bo‘ylab to‘lov kuni yetkazib beramiz, viloyatlarga BTS orqali 1–2 kunda, 1 yil kafolat. Taqib ko‘rmoqchimisiz? Kichik halqa yo‘lidagi shourumga keling (seshanba–yakshanba 10:00–20:00), model vitrinada borligini menejerdan so‘rang.